პოპულარული ბრიტანული ჯგუფი Black Sabbath არსებობას წყვეტს. ამის შესახებ ჯგუფის ფრონტმენმა ოზი ოსბორნმა განაცხადა. „დეკემბერში 68 წელი შემისრულდება. ვფიქრობ, დროა დავამთავრო. მე არ ვამბობ, რომ გიზერთან და ტონისთან ერთად სცენაზე აღარასდროს ავალ, მაგრამ ოფიციალურად ჩვენი ისტორია სრულდება,“-განაცხადა მუსიკოსმა. Black Sabbath 1968 წელს შეიქმნა. 1979 წელს ოსბორნი ჯგუფიდან ნარკოტიკებისა და ალკოჰოლის მოხმარების გამო გარიცხეს, რის შემდეგაც ის სოლო-კარიერას განაგრძობდა. Black Sabbath 2010 წელს გაერთიანდა და 3 წლის შემდეგ ახალი ალბომი „13“ გამოუშვა.
