ჰააგის სისხლის სამართლის საერთაშორისო სასამართლოს პროკურორი იუსტიციის სამინისტროში მივიდა. ფატუ ბენსუდა იუსტიციის მინისტრ თეა წულუკიანს, მთავარ პროკურორს გიორგი ბადაშვილს და მის მოადგილეებს ირაკლი შოთაძეს და გიორგი გოგაძეს ხვდება.
შეხვედრის დაწყებამდე მხარეებს კომენტარი არ გაუკეთებიათ.
2008 წლის აგვისტოს მოვლენების გამოძიების მიზნით, ფატუ ბენსუდას საქართველოში დაგეგმილი აქვს შეხვედრები არასამთავრობო ორგანიზაციების წარმომადგენლებთანაც. სტუმარი დღესვე მედიისთვის პრესკონფერენციას გეგმავს.
