საქართველოს შს მინისტრის მოადგილე არჩილ თალაკვაძემ და მომსახურების სააგენტოს დირექტორის პირველმა მოადგილემ - დავით მიზანდარმა ბულგარეთის რესპუბლიკის ვიცე-პრემიერსა და შინაგან საქმეთა მინისტრს - რუმიანა
ბაჩვაროვას და დელეგაციის სხვა წევრებს უმასპინძლეს.
სტუმრებმა სააგენტოს სარეგისტრაციო დარბაზი დაათვალიერეს, ასევე დაესწრნენ
მართვის მოწმობის მისაღებ გამოცდებსა და სახელმწიფო სანომრე ნიშნების
ბეჭდვის პროცესს. ბულგარეთის რესპუბლიკის ვიცე-პრემიერმა ქართული მხარისგან
საჩუქრად სახელობითი, სიმბოლური სანომრე ნიშანი მიიღო.
შეხვედრის დასასრულს დელეგაციის წევრები შინაგან საქმეთა სამინისტროს
სპორტული კლუბი „MIA FORCE“-ის სპორტსმენს - დავით ქაჯაიას შეხვდნენ და
ევროპის ჩემპიონობა მიულოცეს.
