დედაქალაქის მუნიციპალიტეტის საკრებულოში გარემოს დაცვის, ასევე ურბანული დაგეგმარებისა და საქალაქო მეურნეობის კომისიების გაერთიანებულის ხდომა გაიმართა.
სხდომა გარემოს დაცვის კომისიის თავმჯდომარემ - შორენა ბუხრაშვილმა გახსნა, სადაც გარემოს ეროვნული სააგენტოს უფროსს, თამარ ბაგრატიას მოუსმინეს.
გარემოს ეროვნული სააგენტოს უფროსმა დეპუტატებს, თბილისის ტერიტორიაზე სტიქიური მოვლენების საშიშროების ზოგადი ანალიზი და 2015 წლის 13-14 ივნისს მდინარე ვერეს აუზში განვითარებული კატასროფით გამოწვეული მდგომარეობის წინასწარი შეფასება პრეზენტაციის სახით წარუდგინა.
თამარ ბაგრატიამ კომისიის წევრებს ისეთი მნიშვნელოვანი საკითხები წარუდგინა, როგორიცაა: თბილისის ტერიტორიაზე გეოდინამიკური საშიშროების ზოგადი სურათი, მდინარე ვერეს აუზის ჰიდრომეტეოროლიგიური პირობები, მისი ტექტონიკა, გეოლოგიური აგებულება და სხვა.
ეროვნული სააგენტოს უფროსმა, ასევე, მდინარე ვერეს აუზში სტიქიური პროცესების გასული სტატისტიკას, 2015 წლის ივნისის კატასტროფების მიზეზებსა და მათაგან გამოწვეული შედეგების ანალიზსაც გაუსვა ხაზი.
თამარ ბაგრატიას განცხადებით, 2015 წლის 13-14 ივნისს მდ. ვერეს წყალშემკრებ აუზში წარმოქმნილი კატასტროფული მოვლენა, გეოლოგიური და ჰიდრომეტეოროლოგიური პროცესების თანხვედრით იქნა გამოწვეული. მისივე თქმით, სტიქიით მიყენებული ზარალისა და ზიანის გაზრდას, ქალაქის ფარგლებში მდ. ვერეს ჭალა-კალაპოტის ზონაში გასული საუკუნის 50-იანი წლებიდან დაწყებულმა სხვადასხვა სახის საინჟინრო საქმიანობამაც შეუწყო ხელი.
როგორც გარემოს ეროვნული სააგენტოს უფროსმა აღნიშნა, კატასტროფის ჩამოყალიბებაში მნიშვნელოვანი როლი ხანგრძლივმა, ინტენსიურმა ნალექებმაც ითამაშა, რომელთა მნიშვნელოვანი ნაწილიც ტერიტორიის ამგებ გრუნტებში, ამავე ტერიტორიაზე არსებული ხშირი ტყის გავლენით ჩაიჟონა, რამაც საბოლოო ჯამში მასშტაბური მეწყრულ-გრავიტაციული პროცესების ჩამოყალიბება, შემდეგ კი, მათი ღვარცოფულ ნაკადებში გადასვლა განაპირობა.
თამარ ბაგრატიამ კომისიის წევრებს დასკვნები და რეკომენდაციები წარუდგინა, რომელთაგან ერთ-ერთ ყველაზე მნიშვნელოვან საკითხად, სწრაფი შეტყობინებების თანამედროვე სისიტემების დანერგვა გამოყო.
ორი კომისიის გაერთიანებულ სხდომაზე დეპუტატებმა ასევე თბილისის მუნიციპალიტეტის ფარგლებში სასაფლაოების მოწყობისა და მოვლა-პატრონობის წესში ცვლილებების შეტანის, დედაქალაქის მიწათსარგებლობის გენერალური გეგმის დამტკიცებისა დაგანაშენიანების რეგულირების გეგმის გეგმარებითი დავალებების, განაშენიანებისრეგულირების გეგმების პროექტებისა და განაშენიანების რეგულირების კორექტირებულიგეგმების პროექტების შესახებაც იმსჯელეს.