თბილისის მუნიციპალიტეტის საკრებულოს მთაწმინდის რაიონის მაჟორიტარი დეპუტატის - ჯაბა ჯიშკარიანისა და ამავე რაიონის გამგეობის ძალისხმევით, დაბა კოჯორში, 13-14 ივნისს მომხდარი სტიქიის შედეგად, გრუნტის დამჭერი ბეტონის ჩამოშლილი რამდენიმე კედლის აგება-გამაგრებითი სამუშაოები დასასრულს უახლოვდება.
მაჟორიტარი დეპუტატი ჯაბა ჯიშკარიანმა, მთაწმინდის რაიონის გამგებელთან გელა არჩვაძესთან, გამგებლის მოადგილე ბადრი ხვადაგიანთან, ვერისა და კოჯრის მუნიციპალიტეტების ხელმძღვანელებთან პაატა მონიავასა და თინათინ გველესიანთან და დეპუტატის სამაჟორიტარო ბიუროს თანამშრომლებთან ერთად, კოჯორში არსებულ ზღუდეებზე მიმდინარე სამუშაოები მოინახულეს.
ივნისში მომხდარი სტიქიის გამო, გრუნტის დამჭერი ბეტონის კედლების ჩამოშლის შედეგად დაბა კოჯრის მოსახლეობის საცხოვრებელი სახლები წალეკვის საფრთხის ქვეშ დადგა. მაჟორიტარმა დეპუტატმა და გამგეობამ ზომები მეორე დღესვე მიიღეს, რომელთა შედეგად დღეს აღდგენითი სამუშაოები მიმდინარეობს.
„13-14 ივნისის სტიქიის შედეგად ყველაზე ძლიერად, თბილისის შემდეგ, დაბა კოჯორი და დაბა კიკეთი დაზარალდა. დღეს დაბა კოჯორში ჩხეიძის ქუჩასა და სხვა მისამართებზე არსებული გრუნტის დამჭერი ბეტონის კედლების მშენებლობა-შეკეთების სამუშაოები მოვინახულეთ.
ყველგან მუშაობა სხვა და ეტაპზეა, თუმცა უმრავლეს ადგილას სამუშაო ერთ კვირაში დასრულდება. გარდა ამისა, დაბა კოჯორში ასევე მიმდინარეობს სხვა ინფრასტრუქტურული სამუშაოები, რომლებიც მთლიანად აგვისტოს შუა რიცხვებამდე უნდა დასრულდეს“, - განაცხადა ჯაბა ჯიშკარიანმა.