მომდევნო დღეების განმავლობაში, აღმოსავლეთ საქართველოს ზოგიერთ რაიონში, საღამოს საათებში, მოსალოდნელია ხანმოკლე წვიმა ელჭექით. ამის შესახებ, ,,ჯი-ეიჩ-ენთან” საუბარში გარემოს დაცვის სამინისტროს სინოპტიკოსმა დოდო გვაზავამ განაცხადა.
,,დღეს და ხვალ დასავლეთ საქართველოს უმეტეს რაიონში ცხელი და უნალექო ამინდი შენარჩუნდება. ეცხელება აღმოსავლეთ საქართველოშიც, თუმცა არ გამოვრიცხავთ საღამოს საათებში და ხვალ დღის ბოლოს, ცალკეულ რაიონებში, ხანმოკლე ხასიათის წვიმას ელჭექით”, _განაცხადა დოდო გვაზავამ.
მისივე თქმით, დღეს და ხვალ, დასავლეთ საქართველოში ჰაერი 37 გრადუსამდე გათბება, აღმოსავლეთ საქართველოში კი ტემპერატურა 29-34 გრადუსამდე შენარჩუნდება.
გვაზავას თქმით, სიცხეა მოსალოდნელი თბილიში, სადაც ჰაერი 34 გრადუსამდე გათბება.
26 ივლისს კი, საქართველოს ზოგიერთ რაიონში წვიმა შენარჩუნდება, ტემპერატურა შედარებით დაიკლებს და დასავლეთ საქართველოში ჰაერი 34 გრადუსამდე აღმოსავლეთ საქართველოში კი ტემპერატურა 33 გრადუსამდე გათბება.
