გმირთა მოედანზე სტიქიის შედეგად დაზიანებულ გზაზე ასფალტის დაგების პროცესი მიმდინარეობს. ამის გამო სხვადასხვა მიმართულებით საავტომობილო მოძრაობა რამდენიმე დღით შეიზღუდება. სარეაბილიტაციო სამუშაოების ფარლებში გმირთა მოედნის მიმდებარე ტერიტორიაზე ასფალტის საფარის ახალი ფენა დაიგება და ე.წ. კუნძულები მოეწყობა. რეაბილიტაცია ჩაუტარდება მდინარე მტკვრის დაზიანებულ მოაჯირებსაც. სარეაბილიტაციო სამუშაოებისთვის დედაქალაქის ბიუჯეტიდან 1 240 000 ლარი დაიხარჯება. საგზაო სამუშაოები თბილისის მერიის კეთილმოწყობის საქალაქო სამსახურის დაკვეთით ტარდება.
