ოკუპირებული ტერიტორიებიდან იძულებით გადააადგილებულ პირთა ლტოლვილთა და განსახლების მინისტრი სოზარ სუბარი დევნილებს მოსალოდნელი თაღლითობის შესახებ აფრთხილებს.
მთავრობის სხდომის დასრულების შემდეგ მინისტრმა ჟურნალისტებს განუცხადა, რომ პრემიერ-მინისტრის განაცხადების შემდეგ - თბილისის ზღვაზე 600-მდე დევნილსთვის ბინის გადახემასტან დაკავშირებით, გააქტიურდნენ თაღლითები. მისი თქმით, მოსახლეობას ატყუებენ, რომ ამ ბინის მიღება გარკვეული თანხის სანაცვლოდაა შესაძლებელი.
„ვაფრთხილებ ყველას, როგორც კი მსგავს წინადადებას მოისმენენ, გაქანდნენ შსს-ში ან ჩვენთან და მოგვაწოდონ ინფორმაცია. ეს არის ტყუილი. ვერავინ მიიღებს დადგენილი წესის გვერდის ავლით ვერაფერს, ვერც თაღლითობით, ვერც ფულის გადახდით, ვერც აქციებით“, - განაცხადა სუბარმა და დასძინა, რომ ბინების გაცემა მხოლოდ ძალიან მკაფიოდ დადგენილი წესებით მოხდება.
