სტიქია კახეთში. ძლიერი ქარიშხალისა და სეტყვის შედეგად რეგიონის ორი მუნიციპალიტეტი მნიშვნელოვნად დაზარალდა. განსაკუთრებით მძიმე მდგომარეობაა ყვარლის რაიონის სოფელ სანავარდოში, სადაც ქარამა რამდენიმე საცხოვრებელ სახლს სახურავი გადახადა. ქარიშხალს თან სეტყვაც ერთვოდა, რამაც საზამთროს ბაღები და ერთწლიანი კულტურები დააზიანა. მძიმე ვითარებაა ნაფარეულსა და კონდოლშიც. ქარიშხალმა გვიან ღამით ახმეტა-თელავის მაგისტრალზე კაკლის და მუხის ხეები მოგლიჯა, რის გამოც აღნიშნულ მონაკვეთზე ავტომობილებით მოძრაობა 20 წუთის განმავლობაში შეფერხებული იყო. გზა სამაშველო სამსახურმა გაწმნდა და საავტომობილო მიმოსვლა აღდგა.