19 საგამოცდო ცენტრში აბიტურიენტები სამოქალაქო განათლების, ხოლო პედაგოგები გეოგრაფიის, ქართულის, ისტორიის და მათემატიკის გამოცდას აბარებენ.
გამოცდების ეროვნული ცენტრის ცნობით, სამოქალაქო განათლების გამოცდაზე, აბიტურიენტების 6% არ გამოცხადდა, დაფიქსირდა დაგვიანების ერთი შემთხვევა.
გეოგრაფიიის გამოცდაზე არ გამოცხადდა პედაგოგთა 26%, ქართულის გამოცდაზე 37%, ისტორიის გამოცდაზე მასწავლებლების 36% და მათემატიკის გამოცდაზე 35%.
შეგახსენებთ, რომ ერთიანი ეროვნული გამოცდები 2 ივლისს ქართული ენისა და ლიტერატურის გამოცდით დაიწყო და 22 ივლისს ქიმიის გამოცდით დასრულდება. 2015 წლიდან არჩევითი საგნების ჩამონათვალს პირველად დაემატა სამოქალაქო განათლება.