გლდანის მეექვსე მიკრორაიონში, კორპუსში მომხდარი აფეთქების შედეგად დაღუპულთა რაოდენობა ექვსამდე გაიზარდა. მძიმედ დაშავებული ლიკა ფაცაცია საავადმყოფოში გარდაიცვალა. ის იუსტიციის სამინისტროს თანამშრომელი იყო.
გლდანში კორპუსის ნაწილი 14 ივლისს აფეთქდა. რამდენიმე მძიმედ დაშავებული ადამიანი აქამდე საავადმყოფოშია. ამასთან, საცხოვრებელი კორპუსის ნაწილი დაზიანდა და 40-ზე მეტი ოჯახი დროებით საცხოვრებლებში გადაიყვანეს.
ფაქტზე დაწყებულია გამოძიება სისხლის სამართლის კოდექსის 2401-ე მუხლის საფუძველზე, რომელიც გულისხმობს ელექტრო- ან თბოენერგიის, გაზის, ნავთობის ან ნავთობპროდუქტების ობიექტის განლაგების, დაპროექტების, მშენებლობის ან ექსპლუატაციის დროს უსაფრთხოების წესების დარღვევას.
