თელავში, საპატრულო ეკიპაჟი ფეხით მოსიარულე 14 წლის მოზარდს დაეჯახა. შემთხვევა აღმაშენებლისა და ლესელიძის ქუჩების კვეთაზე იმ დროს მოხდა, როცა მოზარდი გზის გადაკვეთას ცდილობდა. დაშავებული სხეულის სხვადასხვა დაზიანებებით თელავის რეფერალურ საავადმყოფოში მოათავსეს. ექიმების განცხადებით, პაციენტის ჯანმრთელობის მდგომარეობა სტაბილურია. საქმეს კახეთის საოლქო პროკურატურა იძიებს.