იოცნებეთ, ბატონო ირაკლი ლექვინაძე! - ასე გამოეხმაურა ჟურნალისტი ინგა გრიგოლია "იმედის კვირის" ეთერში თბილისის ვიცე-მერის ირაკლი ლექვინაძის „ფეისბუქის“ პოსტს, სადაც ვიცე-მერი იმედს გამოთქვამს, რომ გადაცემა "რეაქცია" არა სეზონის, არამედ საბოლოო იქნება.
„იმის ნაცვლად, რომ დაგებული გზები გაკონტროლდეს, თბილისის ერთ-ერთი ვიცე მერი იმისთვის იცლის, რომ "ფეისბუქზე" დაჯდეს და ხმამაღლა იოცნებოს, რომ მისთვის არასასურველი „რეაქცია“ არასდროს არ გავიდეს ეთერში. მეტ პასუხს მე არ ვაპირებ: იოცნებეთ, ბატონო ირაკლი ლექვინაძე!" - განაცხადა ინგა გრიგოლიამ.
