დიეტოლოგებმა დაასახელეს ხუთი სანელებელი, რომელიც მადას ამცირებენ. ისინი ამტკიცებენ, რომ ეს ნატურალური, სასარგებლო და გემრიელი საკაზმები ზედმეტი კილოგრამების წინააღმდეგ ბრძოლაში დაგვეხმარება:
1. დარიჩინი _ ამცირებს ტკბილზე მოთხოვნილებას. ხელს უწყობს სისხლში შაქრის დონის სტაბილურ მდგომარეობაში შენარჩუნებას (სწორედ მისი ცვალებადობა ხდება მადის გაძლიერების მიზეზი) და ააქტიურებს ნივთიერებათა ცვლას. დაუმატეთ ის ჩაის, ხაჭოს ან იოგურტს, მოაყარეთ ვაშლებს აირღუმელში შეწვამდე. მთავარია, გამოიყენოთ დარიჩინის ჩხირები და არა ფხვნილი, რომელსაც ჩვეულებრივ, შაქრის ფხვნილს ურევენ.
2. ვანილი _ დაგვეხმარება შოკოლადზე დამოკიდებულებისგან განთავისუფლებაში. როგორც კი იგრძნობთ შოკოლადის მირთმევის დაუძლეველ სურვილს, დააყენეთ ვანილიანი ჩაი ან დაანთეთ ვანილიანი არომატული სანთელი. ეს დამატებით, კარგ განწყობასაც შეგიქმნით. თუკი ვანილის ფხვნილის ნაცვლად გამოიყენებთ ვანილის ჩხირებს, ადვილი შესაძლებელია დოზირების გადაამეტე!
3. მწვანე ვაშლი _ მისი არომატი დაგეხმარებათ შიმშილის შემოტევების თავიდან აცილებაში, ამავდროულად ნაკლებად კალორიულია, ვიდრე, მაგ., პიცის ნაჭერი. თუმცა, ძალიან ხშირად მჟავე ჯიშის ვაშლი მადის გაუმჯობესებასაც უწყობს ხელს. კარგია, თუკი ცოცხალი ვაშლის სურნელს შეიგრძნობთ. სასარგებლოა მათი მირთმევაც, მაგრამ უფრო აირღუმელში შემწვარ მდგომარეობაში.
4. წიწაკა ჩილი _ მიუხედავად გავრცელებული აზრისა, სადილში დამატებული ამ ცხარე წითელი წიწაკის ერთი მწიკვი არათუ აძლიერებს მადას, არამედ ხელს უწყობს სწრაფად დანაყრებას (ოღონდ საკვები კარგად უნდა დაიღეჭოს). პლუსი _ ამ წიწაკის შემადგენლობაში არსებული კაფსაიცინი აჩქარებს ნივთიერებათა ცვლას.
5. პიტნა _ შიმშილის გრძნობის ადვილად გადასატანად საჭიროა საფუძვლიანად გაიწმინდოთ კბილები პიტნის შემცველი ნებისმიერი კბილის პასტით. რაც შეეხება პიტნის ჩაის, უმჯობესია, ფრთხილად იყოთ _ პიტნის სუნი ამშვიდებს, მაგრამ მისი ნაყენი, პირიქით, მხოლოდ აძლიერებს მადას.
