16 ივლისის სსსტც „დელტას“ სეტყვის საწინააღმდეგო სისტემის მართვის ცენტრის მიერ, კახეთის რეგიონში, დილის 11:30 სთ-დან დაწყებული დღის განმავლობაში რამდენჯერმე დაფიქსირდა სამხრეთ-აღმოსავლეთიდან მიმართულებიდან შემოჭრილი სეტყვასაშიში ღრუბლის რამდენიმე ფრონტი. ღრუბლის მასების სიგრძე შეადგენდა 9-10 კმ-ს.
16:09 საათისთვის შემოვავალ ღრუბლის ფრონტში სეტყვის ალბათობამ მიაღწია 80 % ს, რის გამოც მართვის ცენტრმა მიიღო ღრუბლების რაკეტებით დამუშავების გადაწყვეტილება, ნებართვის მიღების შემდეგ 16:11 დან 16:25 საათამდე გაშვებული იქნა რამდენიმე რაკეტა.
სამხრეთ-აღმოსავლეთი მიმართულებიდან ღრუბლების ფრონტის შემოსვლის და ამავდროულად თელავის თავზე შიდამასიური ღრუბლის ჩამოყალიბების გამო 18:37 დან 20:15 საათამდე განხორციელდა რამდენიმე ათეული რაკეტის გაშვება. 21:20 საათზე მართვის ცენტრმა ღრუბლებზე აქტიური ზემოქმედება დაასრულა.
17 ივლისს, ნებართვის მიღების შემდეგ, დილის 08:50 დან 08:57 საათამდე რაკეტებით დამუშავდა სამხრეთ-დასავლეთიდან შემოჭრილი მე-2 კატეგორიის სეტყვასაშიში ღრუბელი.
09:02 საათზე საჰაერო სივრცეში თვითმფრინავების შემოსვლის გამო მუშაობა შეწყდა.
ზემოთაღნიშნული დროის განმავლობაში კახეთის რეგიონში სხვადასხვა მიმართულებებიდან შემოიჭრა 1200 კმ2 ზე მეტი საერთო ფართობის მქონე ღრუბლის ფრონტები. სეტყვის ალბათობა 70-90 %-ს შეადგენდა, მოსალოდნელი სეტყვის მარცვლების სავარაუდო ზომა კი 10 დან 30 მმ-მდე მერყეობდა.
დასეტყვის საფრთხის ქვეშ იყო თელავის, გურჯაანის, საგარეჯოს, სიღნაღის და ყვარლის რაიონები.
რაკეტებით აქტიური ზემოქმედების შედეგად, სეტყვასაშიში ღრუბლების სრული მასა განეიტრალდა და ადგილზე ჩამოიცალა წვიმის სახით.
