გაზიანი, მინერალური და მტკნარი წყლების მარკირება 1 სექტემბრის ნაცვლად 1 ნოემბრიდან გახდება სავალდებულო. განცხადებას პრემიერ-მინისტრის პრეს-სამსახური ავრცელებს. ზაფხულის სეზონისა და მარკირებისთვის საჭირო აპარატურის განთავსების სირთულის გათვალისწინებით, მარკირების ამოქმედების თარიღის გადაწევის თხოვნით ირაკლი ღარიბაშვილს არაალკოჰოლური სასმელების მწარმოებლებმა მიმართეს. ფინანსთა სამინისტრომ შესაბამისი კანონპროექტი უკვე მოამზადა.
