არაქართულენოვან სკოლებში სახელმწიფო ენის სწავლება სავალდებულო იქნება. სახელმწიფო და ადგილობრივი თვითმმართველობის ორგანოებში საქმის წარმოება, კონკურსები და ატესტაციებიც სახელმწიფო ენაზე უნდა განხორციელდეს. სახელმწიფო ენაზე უნდა ჩატრდეს ღონისძიებებიც, თუმცა ეს შეზღუდვა არ ვრცელდება ეთნიკური უმცირესობებით დასახლებულ რეგიონებზე. აღნიშნულ ცვლილებებს ენის შესახებ კანონპროექტი ითვალისიწნებს.ამავე პროექტით, შეიქმნება სახელმწიფო ენის დეპარტამენტი, სადაც ენის ექსპერტთა კომისია იმუშავებს. ჯგუფის წევრები ქართული სალიტერატურო ენის ნორმებსა და ტერმინოლოგიურ სტანდარტებს შეიმუშავებენ.