13-14 ივნისის სტიქიით დაზარალებული ოჯახებიდან 100 ბავშვს 10 დღის განმავლობაში მრავალფუნქციური აკვა პარკი „ჯინო ფერედაისი“ უმასპინძლებს.
თბილისის მერის მოადგილე ირაკლი ლექვინაძე, საკრებულოს ტეპუტატი რიმა ბერაძე და ვაკის რაიონის გამგებელი ლაშა აბაშიძე ბავშვების ახალ ნაკადთან ერთად გასართობ ცენტრში იმყოფებოდნენ.
„სტიქიით დაზარალებული ოჯახების შვილებს 10 დღის განმავლობაში საშუალება ეძლევათ „ჯინო ფერედაისში“ დაისვენონ 2-2 დღის განმავლობაში. ყოველდღიურად მოგვყავს ბავშვები ამ ცენტრში. გარდა ამ ღონისძიებებისა მერია უზრუნველყოფს სხვადასხვა პაკეტების შეთავაზებას სტიქიით დაზარალებული ოჯახებისთვის, როგორც თბილისში, ისე მის ფარგლებს გარეთ. უახლოეს პერიოდში გაწერილი გვაქს კალენდარი, დაგეგმილი გვაქს სხვადასხვა ტურები. აჭარაში, 60 ბავშვი დაისვენებს 2-2 კვირით. ჩვენ უზრუნველვყობთ დაინტერესებული კომპანიების სურვლებს, მათ მზაობას, იმ საჭიროეობების მიმართ, რომელიც სტიქიით დაზარალებულებს გააჩნიათ“,-განაცხადა ირაკლი ლექვინაძემ.
