აკვაპარკის დირექციის ინიციატივითა და თბილისის მუნიციპალიტეტის მერიის ორგანიზებით, 13 ივნისს სტიქიის შედეგად დაზარალებული 100 ბავშვი მრავალფუნქციურ აკვაპარკში ორ დღეს გაატარებს.
დღეს თბილისის მუნიციპალიტეტის საკრებულოს ფრაქცია ,,ქართული ოცნება-დემოკრატიული საქართველოსთვის“ თავმჯდომარე რიმა ბერაძე, მერის მოადგილე ირაკლი ლექვინაძე და ვაკის რაიონის გამგებელი ლაშა აბაშიძე ბავშვების ახალ ნაკადთან ერთად აკვაპარკს ესტუმრნენ.
რიმა ბერაძემ მრავალფულქციური აკვაპარკის დირექციას თანადგომისა და მაღალი სოციალური პასუხისმგებლობისათვის მადლობა გადაუხადა.
სტიქიის შედეგად დაზარალებული ბავშვების მიმართ ადგილობრივი და საერთაშორისო ორგანიზაციები განსაკუთრებულ სოლიდარობას გამოხატავენ.
იგეგმება მრავალი გამაჯანსაღებელი და ტურისტული ღონისძიება, რომელიც დაზარალებულ ბავშვთა ქალაქგარეთ გასვლასა და დასვენებას უზრუნველყოფს.
ბავშვთა დასვენება-გართობის ღონისძიებები მომავალშიც გაგრძელდება და რამდენიმე ეტაპს მოიცავს.
