ბათუმის ზოოპარკში მატებაა. ზოოკუთხის ბინადრების დუგალასას და შავთვალას ოჯახი გაიზარდა. 12 ივლისს 22:30 საათზე, შეტლანდიური პონის კვიცი (მდედრი) დაიბადა. პატარას წონა 10კგ, ხოლო სიმაღლე 40 სმ-ია. შეფერილობა თეთრი შავში. კვიცი სრულიად ჯამრთელია, იკვებება დედის რძით.
როგორც ”6 მაისის პარკში” აცხადებენ, შავთვალა დიდ მზრუნველობას იჩენს შვილის მიმართ. ასეირნებს ეზოში და აცნობს გარემოს. ბუნების ამ კეთილშობილი, უწყინარი და ლამაზი ცხოველის ნახვა „6 მაისის პარკის“ ზოოკუთხის B სექტორშია შესაძლებელი.
(ცნობისათვის ზოოკუთხის B და C სექტორების დათვალიერება მსურველებს უფასოდ შეუძლიათ).
მართალია, ზოოკუთხეში ეს ნამატის პირველი შემთხვევა არაა, მაგრამ ამ სიახლემ მაინც ყველა გაახარა. ნებისმიერ მატებას სიხარულის ისეთი შეგრძნება სდევს თან, თითქოს ეს პირველია. ზოოკუთხის მომვლელები ყურადღებასა და ალერსს არ აკლებენ ახალ ბინადარს. ახალშობილი თანდათან ეჩვევა თავის ”სახლს”.
ზოოპარკის ადმინისტრაცია პატარა ბინადრისთვის სახელის შერჩევას საზოგადოებას ანდობს და სთხოვს საკუთარი ვერსიები მიაწოდონ.
ტანად პატარა (სიმაღლით 107 სმ) ცხენი, რომელიც 2 000 წელზე მეტია გამოყვანილია შეტლენდის, ასევე ბრიტანეთის სხვადასხვა კუნძულზე. პონს იყენებდნენ წვრილ-გლეხურ მეურნეობაში სხვადასხვა სამუშაოს შესასრულებლად, მაღაროებში, მთის ბილიკებიან გზებზე ტვირთის გადასაზიდად, ქალაქში პროდუქტების დასატარებლად და სხვა. ამჟამად - ძირითადად, პარკებსა და ბაღებში ბავშვების გასასეირნებლად, მონაწილეობენ პატარებისა თუ დიდებისათვის განკუთვნილ სხვადასხვა წარმოდგენასა და კარნავალში.
პატარას დაბადებამდე ბათუმის ზოოკუთხეში ბინადრობდა 4 შეტლანდიური პონი: დუგლასი, კატერინა, შავთვალა და მია, რომელიც შარშან 1 ივლისს, ბავშვთა დაცვის საერთაშორისო დღეს ჩვენს ზოოკუთხეში დაიბადა.