თბილისში, წერეთლის გამზირზე მდებარე ჰიპერმარკეტ ,,გორგიაში” ხანძარია. არსებული ინფორმაციით, ხანძარი მეორე სართულზე გაჩნდა. როგორც ,,ჯი-ეიჩ-ენს” სამაშველო სამსახურში განუცხადეს, ხანძარი 50 კვ.მ ფართობზე მოედო.
მათივე ინფორმაციით, ამ დროისთვის ხანძზარი უკვე ლიკვიდირებულია.
შემთხვევის ადგილზე მობილიზებულია 5 სახანძრო და ერთი სამაშველო სამსახური.
ჯერჯერობით, უცნობია ხანძრის გამომწვევი მიზეზი.