საქართველოს რეგიონული განვითარებისა და ინფრასტრუქტურის სამინისტროს 19-მა საჯარო მოხელემ 13 ივნისის სტიქიის შედეგების ლიკვიდაციაში აქტიური მონაწილეობისთვის პრემიერის მიერ ხელმოწერილი მადლობის სიგელები მიიღო. სტიქიის შედეგების სალიკვიდაციო სამუშაოებში ჩართულები იყვნენ როგორც რეგიონული განვითარებისა და ინფრასტრუქტურის სამინისტროს ცენტრალური აპარატის, ასევე საავტომობილო გზების დეპარტამენტისა და მუნიციპალური განვითარების ფონდის თანამშრომლები, რომლებიც 24 საათიან რეჟიმში მუშაობდნენ. ისინი მონაწილეობას იღებდნენ ვერეს ხეობაში შექმნილი პრობლემების აღმოფხვრაში, წყნეთი-ბეთანიისა და წყნეთი-ახალდაბის გზის გაწმენდით სამუშაოებსა და თბილისში, წყნეთის ქუჩის მიდებარე ტერიტორიაზე ნაპირდაცვით და სხვა სახის ღონისძიებებში. სიგელებით დაჯილდოვდნენ: გიორგი ცინცაძე, ვასილ კაპანაძე, ბესიკ შუბითიძე, ნიკა იობიშვილი, ზვიად გაბედავა, ლაშა ხაჭაპურიძე, კობა ქიმაძე, თინათინ სირაძე, ნიკოლოზ მინდიაშვილი, გივი მღვდლიშვილი, ლევან მჟავია, ლევან მინჯორაია, გიორგი ბასიაშვილი, ნანა ძირტკბილაშვილი, ზვიად ლოგუა, ვახტანგ ბარნაბიშვილი, მიხეილ წერეთელი, ნიკოლოზ ამბრიაშვილი და პოლიკარპე მონიავა.