დღეს და ხვალ საქართველოს, 300-მდე მაღალი რანგის სტუმარი და ბიზნესმენი ეწვევა. თბილისი აბრეშუმის გზის ფორუმს მასპინძლობს. საორგანიზაციო საკითხები კომისიის სხდომაზე უკვე განიხილეს. ფორუმის პირველ დღეს თემატური პანელები და დისკუსიები გაიმართება ენერგეტიკის, ინფრასტრუქტურის, ლოჯისტიკის, ტრანსპორტის, კომუნიკაციებისა და ვაჭრობის შესახებ. მეორე დღე კი „აბრეშუმის გზის“ წევრი ქვეყნების პროდუქციის გამოფენას და საქართველოს საინვესტიციო ფორუმს დაეთმობა.