რიზეს საავადმყოფოში მისულ ჟურნალისტებს, სადაც ავტოავარიისას დასავებული საქართველოს მოქალაქეები იმყოფებიან, ადგილობრივი მოსახლეობა თავს დაესხა. კამერების გამოჩენისთანავე საავადმყოფოს ეზოში შეკრებილებმა მედიის წარმომადგენლებს ფიზიკური და სიტყვიერი შეურაცყოფა მიაყენეს, რის შედეგადაც დაზიანდა აჭარის ტელევიზიის კამერა. საქმეზე დაწყებულია გამოძიება. გვიან ღამემდე მიმდინარეობდა დაკითხვა. პროცესს ტრაბზონში საქართველოს გენერალური კონსულიც ესწრებოდა.