პარლამენტის ადამიანის უფლებათა დაცვის კომიტეტის თავმჯდომარე ეკა ბესელია ლიკა კიკიანს შეხვდა. შეხვედრის შემდეგ, ბესელიამ ჟურნალისტებს განუცხადა, რომ ინიციატივა კიკიანის დედამ გამოთქვა.
„კიკიანმა იმ საკითხებზე ისაუბრა, რომელზეც საჯაროდ საუბრობს, თუმცა გარკვეული ეთიკური მომენტები არსებობს და დეტალებზე ვერ ვისაუბრებ. ბუნებრივია, კოორდინაცია გვექნება და ამ კუთხით ვიმუშავებთ. გამოძიების მიმდინარეობას დავაკვირდებით. ის, რომ პროკურატურამ გამოძიება დაიწყო, ნიშნავს, რომ უკვე კონკრეტული საგამოძიებო მოქმედებები მიმდინარეობს. დაიკითხება ყველა ადამიანი ვინც დასახელებულია“, - განაცხადა ბესელიამ.
კლუბ „ვიტამინის“ თანამშრომელი ლიკა კიკიანი სამართალდამცველებს ცემაში ადანაშაულებს. ინციდენტი შსს გენერალურმა ინსპექციამ შეისწავლა და დაასკვნა, რომ პოლიციელების მხრიდან ფიზიკური ძალადობის ფაქტი არ დაფიქსირდა. მოგვიანებით, საქმეზე ძიება, მთავარმა პროკურატურამ დაიწყო.
