პროექტი "ერგნეთში დაბრუნებულთა საცხოვრებლებისა და შემოსავლების წყაროს აღდგენა" 2011-2015 წლებში განხორციელდა და მისმა მთლიანმა ბიუჯეტმა 2 627 000 შვეიცარიული ფრანკი შეადგინა.
სასტუმრო "რუმს ჰოტელში" პროექტის შემაჯამებელი ღონისძიება დღეს გაიმართა.
პროექტი, დანიის ლტოლვილთა საბჭომ შვეიცარიის თანამშრომლობის ოფისის ჰუმანიტარული დახმარების პროგრამის ფინანსური მხარდაჭერით განახორციელა. ღონისძიებაში მონაწილეობა მიიღო შვეიცარიის განვითარებისა და თანამშრომლობის სააგენტოს (SDC) რეგიონული დირექტორმა რუდოლფ შოხმა და შერიგებისა და სამოქალაქო თანასწორობის საკითხებში სახელმწიფო მინისტრის პირველმა მოადგილემ ქეთევან ციხელაშვილმა.
"როდესაც საქართველოსა და რუსეთს შორის 2008 წელს ომი მოხდა, ბევრი ქართველი იძულებული გახდა დაეტოვებინა საცხოვრებელი, ის სახლები კი განადგურდა. ასე, რომ ჩვენ ამ პროექტის ორგანიზება მოვახდინეთ. პროექტი 2011 წელს დავიწყეთ და ამ დრომდე, 2015 წლამდე გაგრძელდა. პროექტის ფარგლებში შესაძლებელი გახდა 111 ოჯახისთვის სახლების შეკეთება ან ახალი სახლების უზრუნველყოფა. ასევე, უზრუნველყოფილი იქნა მცირე გრანტებიც. ეს ხელშეწყობა, ჩემი აზრით, დაეხმარება მათ, რომ დაივიწყონ ის კოშმარი, რათა ნორმალური ცხოვრება ჰქონდეთ", - განაცხადა რუდოლფ კოხმა.
