კომპანია ,,თბილისის მიკროავტობუსი" მგზავრების შეტყობინებების საფუძველზე განაგრძობს მიკროავტობუსების მონიტორინგს და იმ მძღოლების გამოვლენას, როლმებიც არღვევენ ხელშეკრულებით განსაზღვრულ წესებს.
კომპანიის ინფორმაციით, 8 ივლისის მონიტორინგის შედეგების თანახმად, მიკროავტობუსის 7 მძღოლს აეკრძალა მიკროავტობუსის მართვა, (10, 14 და 30 ) დღით.
დღის ცხელ მონაკვეთში კონდიცირების სისტემის არ ჩართვის გამო 14 დღით მარშრუტზე მუშაობა აეკრძალათ: N149 სამარშრუტო მ/ავტობუსის მძღოლებს ა. ქ.-ს და ზ. ი-ს, N170-ის მძღოლს მ. გ.-ს და N50-ის მძღოლს ე.ც.-ს. ასევე N172 სამარშრუტო მ/ავტობუსის მძღოლი ი. ჯ. და N58-ის მძღოლი ი.გ. მარშრუტზე მუშაობისას ეწეოდნენ სიგარეტს. აღნიშნული დარღვევისათვის მათ ერთი თვით, ა.წ.11 ივლისიდან, აეკრძალათ მუშაობა.N150 სამარშრუტო მ/ავტობუსის მძღოლი თ. ხ. მარშრუტზე მუშაობდა ჰიგიენურად მოუწესრიგებელი. ამისთვის მას 10 დღით აეკრძალა მუშაობა 11 ივლისიდან.