თუ გენმოდიფიცირებულ პროდუქტზე შესაბამისი აღნიშვნა მითითებული არ იქნება, ჯარიმა ამოქმედდება. სანქციები 1 ივლისიდან უკვე ძალაშია. დეპუტატი ზურაბ ტყემალაძე აღნიშნავს, რომ მან ვერცერთ პროდუქტზე გენმოდიფიცირების აღმნიშვნელი ეტიკეტი ვერ ნახა და სურსათის ეროვნულ სააგენტოს საქმის შესწავლა ურჩია. უწყებაში კი განმარტავენ, რომ პროდუქტებზე შემოწმებას პერიოდულად ატარებენ. სააგენტოს დირექტორის განცხადებით, მიმდინარეობს სინჯების აღება და დადასტურების შემთხვევაში, გენმდიფიცირებულ საკვებს შესაბამისი აღნიშვნა აუცილებლად დაერთვება.
