,,თბილისის მიკროავტობუსის” ინფორმაციით, უსაფრთხოების სამსახურის თანამშრომლების მიერ 7 ივლისს გამოვლენილი იქნა შემდეგი სახის დარღვევები:N184 სამარშრუტო მ/ავტობუსის მძღოლი ბ. დ. N141-ის მძღოლი ტ. ტ. და N135-ის მძღოლი გ. ე. მარშრუტზე მუშაობისას ეწეოდნენ სიგარეტს. ზემოთხსენებულ მძღოლებს ერთი თვით აეკრძალათ მარშრუტზე მუშაობა ა/წ 10 ივლისიდან.
N 61 სამარშრუტო მ/ავტობუსების მძღოლებს ზ. გ.-ს და გ. ბ.-ს მ/ავტობუსის სალონში უნებართვოდ ჰქონდათ გამოკრული განცხადება კომპანიის ადმინისტრაციის სახელით იმის შესახებ, რომ მანქანაში არ მუშაობდა კონდიციონერი და ამისათვის იხდიდნენ ბოდიშს. აღნიშნული განცხადება რეალურად კომპანიას არ გაუკეთებია.
ზემოთხსენებულ მძღოლებს თითო თვით აეკრძალათ მარშრუტზე მუშაობა 10 ივლისიდან.