ცნობილი ეგვიპტელი ასტროლოგისა და წინასწარმეტყველის ჯოი აიადის პროგნოზირებით: მსოფლიო რუკა შეიცვლება, თუმცა მესამე მსოფლიო ომი არ იქნება, ხოლო რუსეთის ხმა მსოფლიო არენაზე გაძლიერდება.
”2015 წელს მთელ მსოფლიოში გაიზრდება ქარიშხლების, ცუნამის, მიწისძვრისა და ვულკანების ამოფრქვევის საშიშროება. მოსალოდნელია კლიმატის ცვლილება, ეგვიპტეში კვლავ მოვა თოვლი, გახშირდება საზღვაო კატასტროფები~. _ აცხადებს ეგვიპტელი ნათელმხილველი.
მისი წინასწარმეტყველებით, სტიქიური უბედურების შედეგად ძალიან დაზარალდება ამერიკის კონტინენტი. გარდა ამისა, აშშ-სა და საფრანგეთში ეს წელი გამორჩეული იქნება დემონსტრაციებითა და საპროტესტო აქციებით.
რაც შეეხება მსოფლიოში პოლიტიკურ სიტუაციას, ჯოი აიადის სიტყვებით, ცალკეულ ქვეყნებში მოსალოდნელია ძირეული ცვლილებები, თუმცა გლობალური სამხედრო კონფლიქტი არ გველის.
ჯოი აიადის პროგნოზის მიხედვით, ისლამისტები თანდათან დატოვებენ ავანსცენას. ”ტუნისში შეიცვლება ხელისუფლება. რადგან იქ, ისევე როგორც ლიბიაში, ხელისუფლებას ჩამოაცილებენ ისლამისტებს, რომლებიც მთელ მსოფლიოში თანდათან ქრებიან”. _ ამბობს წინასწარმეტყველი და იტყობინება `რია ნოვოსტი~.
წინასწარმეტყველის სიტყვებით, მთლიანობაში, მსოფლიოში სიკეთისა და სამართლიანობის ერა დგება. `უძველეს წიგნებში, სადაც დაშიფრული სახითაა აღწერილი ამჟამად მიმდინარე მოვლენები, ამბობენ, რომ ბოროტებას, კორუფციასა და უსამართლობას მალე მოეღება ბოლო. საზოგადო კეთილდღეობის ერის დადგომა დაკავშირებულია იმამ მაჰდისთან, ვის მოსვლასაც უკავშირდება მომავალი მესიის გამოჩენა~, _ აჯამებს წინასწარმეტყველებას ჯოი აიადი.
