ფოთში მცხოვრებ ოჯახებს 24 საათიანი წყალმომარაგება ექნებათ. საქართველოს რეგიონული განვითარებისა და ინფრასტრუქტურის სამინისტროს მასშტაბური პროექტი აზიის განვითარების ბანკის დაფინანსებით ხორციელდება. პროექტის ღირებულება 21 მილიონ ლარს აღემატება. უნდა განხორციელდეს 4 ახალი რეზერვუარის, სატუმბი სადგურისა და მაგისტრალური მილსადენის მშენებლობა. დასრულებულია წყლის გამწმენდი ნაგებობის პროექტირებაც. მშენებლობაზე 50 ადამიანია დასაქმებული, სამუშაოები მომავალ წელს დასრულდება.
