თბილისის ზღვის ახალი ქალაქის ტერიტორიაზე უბედური შემთხვევა მოხდა. „ოუფენ ეარიდან“ მომავალ მოქალაქეებს ავტომანქანა დაეჯახა. ახალგაზრდა მამაკაცი ადგილზე გარდაიცვალა, სამი ქალბატონი კი დაშავდა. ეჭვმიტანილმა, რომელიც სავარაუდოდ არაფხიზელ მდგომარეობაში იმყოფებოდა, ავტომანქანა მიატოვა და მიიმალა. შემთხვევის ადგილზე მობილიზებულნი იყვნენ სასწრაფო სამედიცინო დახმარებისა და საპატრულო პოლიციის თანამშრომლები.