7-დან 15 ივლისის ჩათვლით ბათუმი „მონოპიესების ფესტივალს“ უმასპინძლებს, რომლის ორგანიზატორებიც ახალგაზრდული ორგანიზაცია „არტ ვეი“ და ბათუმის მუნიციპალიტეტის მერია არიან.
როგორც ბათუმის მერიაში განმარტავენ, ფესტივალი ოფიციალურად 7 ივლისს, 20:00 საათზე გაიხსნება. (მისამართი: სულიკო ჟღენტის N1)
ფესტივალის მიზანია:ახალგაზრდა დრამატურგების, მსახიობებისა და რეჟისორების პროფესიული განვითარების ხელშეწყობა და მოტივაციის ამაღლება; შემოქმედ ახალგაზრდებს შორის თეატრის მეშვეობით კომუნიკაციის დამყარება; მონო სპექტაკლების მიმართ საზოგადოების ინტერესის ზრდის ხელშეწყობა;
ბათუმის მერიაში აცხადებენ, რომ ფესტივალის ფარგლებში, საწყის ეტაპზე, შეირჩა დრამატურგები, რომლის მონო-პიესა (ფესტივალისთვის გამოგზავნილი ყველა პიესა არის გამოუქვეყნებელი და ჯერ არდადგმული) დადგა მის მიერ შერჩეულმა რეჟისორმა. მონო სპექტაკლების წარმოდგენა მოხდება ბათუმის სხვადასხვა ალტერნატიულ სივრცეებში.პროექტის მონაწილე ხელოვანები დაბინავდებულები არიან საქართველოს თეატრალურ მოღვაწეთა კავშირის ბაზაზე არსებულ დასასვენებელ კომპლექსში (ბობოყვათი). აღნიშნულ ადგილას მიმდინარეობს ერთობლივი სამუშაო პროცესი სპექტაკლების მზადებისთვის, რაც ხელს უწყობს მათ შორის ხელოვნების გზით კომუნიკაციის დამყარებას.