პარლამენტში ე.წ. მთის კანონზე მსჯელობა დღეს გაგრძელდება. საპარლამენტო კომიტეტები მაღალმთიან დასახლებებში მცხოვრები ადამიანებისთვის სხვადასხვა სახის სოციალური დახმარების გამოყოფის საკითხს განიხილავენ. ამასთან, შეღავათები წესდება მაღალმთიან დასახლებებში მომუშავე სამედიცინო დაწესებულების პერსონალისა და პედაგოგებისთვის. კანონპროექტის მიხედვით, „მაღალმთიანი დასახლების საწარმოს“ სტატუსის მქონე იურიდიული პირები 10 წლის განმავლობაში ქონებისა და მოგების გადასახადებისგან გათავისუფლებიან. ცვლილებების გარდა, შესაძლოა მთავრობაში ახალი, ე.წ „მთის მინისტრის“ პოსტიც გაჩნდეს.