სამცხე-ჯავახეთის რეგიონში ჰოსპიტალური სექტორის რეაბილიტაციის პროექტი მიმდინარეობს. ერთი წლის შემდეგ რეგიონს, ახალციხეში, ახალქალაქში, ნინოწმინდასა და ასპინძაში მაღალტექნოლოგიური და თანამედროვე ტიპის სამკურნალო დაწესებულებები გაიხსნება, რომლებიც სრულად დააკმაყოფილებს რეგიონის მოსახლეობის მოთხოვნილებებს.
პროექტის დასრულების შემდეგ სამცხე-ჯავახეთში პაციენტებისთვის საწოლფონდის რაოდენობა 130-მდე გაიზრდება და რთული სამედიცინო მანიპულაციების ჩასატარებლად ადგილობრივებს რეგიონიდან გასვლა აღარ მოუწევთ.
პროექტის განხორციელებისთვის „სამედიცინო კორპორაცია ევექსი“ 12 მილიონი ლარის ინვესტიციას ახორციელებს.
