თბილისის მერია მზად არის სტიქიის შედეგად დაზარალებულთათვის თანხების გაცემა დღეიდან დაიწყოს. დაზარალებულებმა მერიას და ან გამგეობას უნდა მიმართონ. მათ უნდა შეავსონ შესაბამისი განაცხადი და აირჩიონ კომპენსაციის ფორმა – მიიღონ თანხა სულადობრივად თუ სტიქიის ადგილზე არსებული ქონების საბაზრო ღირებულების შესაბამისად. მერიას სვანიძის ქუჩაზე ზარალთან დაკავშირებით ინფორმაცია უკვე სრულად აქვს. დასრულების პროცესშია წყნეთის ხევში ინფორმაციის მოპოვებაც. მუშავდება წყნეთსა და ახალდაბაში დაზარალებულთა მონაცემებიც.
