სრულიად საქართველოს კათოლიკოს-პატრიარქმა უწმინდესმა და უნეტარესმა ილია მეორემ საკვირაო ქადაგებისას, ჯანდაცვის მინისტრს დავით სერგეენკოს მოუწოდა, მშობიარე ქალებს მეტი ყურადღება დაუთმოს. როგორც უწმინდესმა სამების საკათედრო ტაძარში ქადაგებისას ბრძანა, ბოლო დროს იმატა მკვდარი ბავშვების დაბადების შემთხვევებმა.
,,დიდი მადლიერებით მინდა ვთქვა, რომ ჯანდაცვის მინისტრმა ბევრი გააკეთა და ბევრს აკეთებს ხალხისთვის, მაგრამ ალბათ უფრო მეტი ყურადღება უნდა მივაქციოთ მშობიარე დედებს. ამ ბოლო დროს გახშირდა შემთხვევები, როცა დედა მკვდარ შვილს შობს", - ბრძანა უწმინდესმა.
