დედაქალაქის საკრებულომ სტიქიით დაზარალებულთა ზიანის ანაზღაურების წესი უნდა დაამტკიცოს. ამ მიზნით, დეპუტატები რიგგარეშე სხდომაზე იკრიბებიან.
დოკუმენტში დაზარალებულების უზრუნველყოფის 2 პრინციპია გაწერილი. პირველ კატეგორიაში შედიან დაზარალებულები, რომლებიც საცხოვრებელს მიიღებენ სულადობის მიხედვით, მეორე კატეგორიაში კი შედიან დაზარალებულები, რომლებიც მიიღებენ თანხას ქონების საშუალო საბაზრო ღირებულების მიხედვით.
იმ ოჯახებიდან, რომლებსაც ქონება სრულად გაუნადგურდათ პრიორიტეტი მრავალშვილიან და სოციალურად დაუცველის სტატუსის მქონე ოჯახებს მიენიჭებათ. დაზარალებულებს საოჯახო პაკეტიც გადაეცემათ, რომლის მინიმალური რაოდენობა 8 ათასი ლარი, მაქსიმალური კი 10 ათასი იქნება.
დახმარებას სტიქიით დაზარალებული 161 ოჯახი ელოდება.
