ამ ქალებმა მიაღწიეს იმას, რასაც ოცნებობს მდიდარ მამაკაცებზე მონადირე ქალების უმრავლესობა _ ისინი მსოფლიოს ყველაზე მდიდარი მამაკაცების ცოლები გახდნენ. როგორც ირკვევა, საამისო შანსი ყველაზე მეტად ასეთი მამაკაცების კოლეგებს, ბავშვობის მეგობრებს, მსახიობებსა და ტოპ-მოდელებს აქვთ.
მწერალი მაკენზ ბეზოსი ჯეფრი ბეზოსზეა გათხოვილი, რომელიც ცნობილი ინტერნეტ-მაღაზიის, `ამაზონ.ქომ~-ისა და კომპანია Blue Origin
-ის მფლობელია. ჯეფრი ბეზოსის ქონება 25 მილიარდი დოლარია და `ფორბსის~ მონაცემებით, მას მე-19 ადგილი უკავია მსოფლიოს ყველაზე მდიდარ ადამიანთა სიაში. მაკენზმა მილიარდერ მეუღლეს ოთხი შვილი _ სამი ვაჟი და ერთი გოგონა აჩუქა, ხოლო მიმდინარე გაზაფხულზე საკუთარი მეორე რომანიც გამოსცა. მაკენზი გამოტყდა, რომ ჯეფრისთან ურთიერთობის ინიციატორი თავად იყო. ისინი სამთვიანი ნაცნობობის შემდეგ დაინიშნნენ, ხოლო სამი თვის შემდეგ ოფიციალურად დაქორწინდნენ. მაშინ მაკენზი მხოლოდ 23 წლის იყო, ხოლო საიტი `ამაზონი~ ჯერ კიდევ არ არსებობდა.
ალექსანდრა ნიკალაენკო 2004 წელს `მის უკრაინა~ გახდა. 26 წლის ასაკში ის ცოლად გაჰყვა 72 წლის ამერიკელ მილიარდერს, ფილ რაფინს, რომელიც დონალდ ტრამპის მეგობარი და ბიზნესპარტნიორია. ის მსოფლიოს 400 ყველაზე მდიდარ ადამიანს შორისაა. მილიარდერზე გათხოვების შემდეგ, ალექსანდრა აქტიურად მონაწილეობს ჰუმანიტარულ აქციებში უკრაინისა და სხვა ქვეყნების ქალაქებში, ასევე, საზოგადოებრივ-პოლიტიკურ და სახელმწიფო მასშტაბის კულტურულ ღონისძიებებში. მილიარდერის მეუღლე ინტერვიუებში ხშირად აცხადებს, რომ მას ოჯახური ცხოვრება ძალიან მოსწონს და ეს მისი ცხოვრების ყველაზე ბედნიერი პერიოდია. წყვილს ორი შვილი ჰყავს.
მოდელი და მსახიობი ერიკა ბაკსტერ-პარკერი მედიამაგნატ ჯეიმს პარკერზეა დაქორწინებული. პარკერი ავსტრალიის ყველაზე მდიდარი ადამიანია. მათი საქორწინო ცერემონიალი 5 მილიონი დოლარი დაჯდა. მედიამაგნატის ქონება 5 მილიარდი დოლარია. წყვილს სამი შვილი ჰყავს.
ვენდი დენგი როპერტ მერდოკის მესამე ცოლია. ჟურნალ `ფორბსის~ მონაცემებით, მისი ქონება 8 მილიარდ დოლარს შეადგენს და მსოფლიოს ყველაზე მდიდარ ადამიანთა სიაში 106-ე ადგილზეა. მერდოკის მეორე ცოლთან განქორწინება თანამედროვე ისტორიაში ყველაზე ძვირიან განქორწინებად იქცა. სასამართლოს მიხედვით, ანა ტორვმა 1,2 მილიარდის ფასიანი ქაღალდები მიიღო. 17 დღის შემდეგ, რუპერტ მერდოკი ვენდი დენგზე დაქორწინდა. ისინი მანჰეტენზე ორ ქალიშვილთან ერთად ცხოვრობენ. ვენდი ჩინეთში დაიბადა. მომავალი მეუღლე ჰონკონგში გაიცნო. ვენდი იქ მერდოკის კუთვნილ ტელეკომპანიაში მუშაობდა.
დარია ჟუკოვა რუსი ოლიგარქის, რომან აბრამოვიჩის ცოლია. ის მოსკოვში, კომპანია `სინთეზ ოილის~ დამფუძნებლის, ალექსანდრე ჟუკოვის ოჯახში დაიბადა. მალე მშობლები განქორწინდნენ და დედამ დარია აშშ-ში, კალიფორნიაში წაიყვანა. 16 წლის ასაკში ჟუკოვა მამასთან ლონდონში გადავიდა საცხოვრებლად და დიდი ბრიტანეთის მოქალაქეობა მიიღო. ამჟამად ის სხვადასხვა კომპანიების მფლობელია და ქველმოქმედებითაც არის დაკავებული. წყვილს ერთი საერთო შვილი _ აარონ ალექსანდრე ჰყავთ.
