ჰოლანდიელმა მეცნიერებმა სენსაციური დასკვნა გააკეთეს. მედიცინის მიღწევებისა და ტექნიკური პროგრესის მიუხედავად, თანამედროვე ადამიანი სწრაფად ბერდება. მეცნიერები ამტკიცებენ, რომ დღეს ადამიანები 15 წლით სწრაფად ბერდებიან, ვიდრე მათი წინა თაობა. მეცნიერთა აზრით კი, ეს დიდი შეშფოთების მიზეზია.
ნიდერლანდების საზოგადოებრივი ჯანმრთელობისა და გარემოს ეროვნული ინსტიტუტის მიერ კომპლექსური კვლევა ჩატარდა. სპეციალისტები 25 წლის განმავლობაში 20, 30, 40 და 50 წლის 6 ათას პაციენტს აკვირდებოდნენ. მეცნიერები სწავლობდნენ მათი ფიზიკური დატვირთვის დონეს, დიაგნოზსა და სხვადასხვა დაავადების განვითარებას.
შედეგად მეცნიერებმა დაადგინეს, რომ 40 წლის პაციენტებს ჭარბი წონის პრობლემა ისევე აწუხებთ, როგორც 55 წლის ადამიანებს. 30 წლის მამაკაცები კი 20 პროცენტით უფრო სწრაფად იმატებენ წონას, ვიდრე მათი წინა თაობა.