ამერიკელი მეცნიერები ამტკიცებენ, რომ სიცილის დროს აქტიურდება ბავშვის თავის ტვინის სფერო, რომელიც დაკავშირებულია შემოქმედებითი შესაძლებლობების განვითარებასთან და კრეატიული აზროვნების ფორმირებასთან.
მეცნიერების თქმით, ბავშვები დღეში 300-ჯერ იღიმებიან და იცინიან, მაშინ როცა მოზრდილები ამას მხოლოდ 15-20-ჯერ აკეთებენ. ამასთანავე, მრავალრიცხოვანი კვლევები ამტკიცებს, რომ დადებითი ემოციები ადამიანის ჯანმრთელობაზე კარგად აისახება და მის იმუნიტეტს აძლიერებს. ბავშვებს კი სიცილი სიცოცხლის ადრეულ ეტაპზე ჰორმონალური განვითარებისთვის სჭირდებათ.
ბავშვებში, მოზრდილებისგან განსხვავებით, აღნიშნული პროცესი აღწევს ტვინის ორივე ნახევარსფეროში, მოზრდილებში აქტივობა მხოლოდ მარცხენა ნახევარსფეროში ვლინდება.
კვლევის ავტორები დარწმუნებული არიან, რომ ბავშვის სრულფასოვანი განვითარებისთვის დადებითი ემოციები, უბრალოდ, აუცილებელია. მათ რაოდენობაზე კი დამოკიდებულია ბავშვის ჰორმონალური განვითარება.
ამიტომ სპეციალისტების რეკომენდაციით მშობლებმა შვილები საბავშვო გასართობ ღონისძიებებზე უნდა ატარონ, წაიყვანონ ცირკში და მათთან ერთად დაესწრონ მხიარული, ანიმაციური ფილმების ჩვენებებს.
