3 ივლისს სახელმწიფო უსაფრთხოებისა და კრიზისების მართვის საბჭოს მდივნის მოადგილე გიორგი ღიბრაძე, საგარეო საქმეთა სამინისტროს უსაფრთხოების პოლიტიკის და ევრო-ატლანტიკური ინტეგრაციის დეპარტამენტის დირექტორ გიორგი დოლიძესთან ერთად ნატოს შტაბ-ბინაში კატასტროფებზე რეაგირების ევრო-ატლანტიკური საკოორდინაციო ცენტრის უფროსს გიუნტერ ბრეტშტაინერს შეხვდა. დღევანდელ შეხვედრაზე ნატოს მხარეს გადაეცა განახლებული ინფორმაცია 13-14 ივნისს თბილისში განვითარებული სტიქიური მოვლენების და მისი შედეგების ლიკვიდაციის მიზნით სახელმწიფო სტრუქტურების მიერ გაწეული სამუშაოების შესახებ. შეხვედრაზე მომავალი თანამშრომლობის, ინფორმაციის ურთიერთგაცვლისა და მხარეებს შორის გამოცდილების გაზიარების საკითხები განიხილეს. სახელმწიფო უსაფრთხოებისა და კრიზისების მართვის საბჭოს მდივნის მოადგილემ გიორგი ღიბრაძემ გიუნტერ ბრეტშტაინერს მიაწოდა ინფორმაცია კრიზისების მართვის ეროვნული ცენტრის სიტუაციური ოთახის მოწყობასთან დაკავშირებით და წლის ბოლოს საქართველოში სიტუაციური ოთახის გახსნის ცერემონიაზე მოიწვია.