უკრაინაში დაღუპულ ქართველ მებრძოლს კონსტანტინე ლაშხიას უახლოეს დღეებში საქართველოში გადმოასვენებენ.
მებრძოლის ცხედარს დღეს საღამოს კიევში გადასვენებენ, სადაც ხვალ პანაშვიდი გაიმართება. ამის შემდეგ მებრძოლის ცხედარს საქართველოში გადმოასვენებენ.
,,საქართველოს საელჩო პირველი საათებიდანვე ყველა პროცესშია ჩართული, რომელიც დაკავშირებულია საქართველოს მოქალაქის გადმოსვენებასთან”, _განაცხადა ,,რუსთავი-2”-თან საუბარში საქართველოს კონსულმა დონეცკში ირაკლი ადვაძემ.
შეგახსნებთ, რომ ქართველი მებრძოლი კონსტანტინე ლაშხია, გარდაცვლილი, ატოს ზონაში, აზოვის ზღვაში იპოვეს. კონსტანტინე ლაშხია უკრაინაში რვა თვის წინ წავიდა, ის სოხუმიდანაა. მას მეუღლე და ორი შვილი დარჩა.
