საგამოცდო ცენტრებში 2015 წლის ერთიანი ეროვნული გამოცდებისთვის აბიტურიენტთა მეორე ნაკადის რეგისტრაცია დაიწყო.
ერთიანი ეროვნული გამოცდების პირველი დღის პირველი სესია უკვე დასრულდა, რომელიც 9:00 საათიდან ოთხი საათის განმავლობაში მიმდინარეობდა.
აბიტურიენტები გამოცდას ქართულ ენასა და ლიტერატურაში აბარებენ.
ერთიან ეროვნულ გამოცდებზე პირველ ნაკადში რეგისტრირებული იყო 9 583 აბიტურიენტი, მათგან 305 გამოცდაზე არ გამოცხადდა, სამმა აბიტურიენტმა დაიგვიანა, ერთი ნასვამ მდგომარეობაში მყოფი აბიტურიენტი კი გამოცდიდან მოიხსნა.
