კოსმოსში გაგზავნილ "ჩაკრულოზე" რომ აღარაფერი ვთქვათ, ჩვენს უნიკალურობას ხაზს ბევრი სხვა რამეც უსვამს. ასე, მაგალითად, ქართული მედიცინა, კერძოდ, პლასტიკური ქირურგია, რომლის ექსპორტიც მთელ პლანეტაზე "ხდება". ყოველ შემთხვევაში, თმის გადანერგვის კლინიკა "თალიზის~" ხელმძღვანელს, ესთეტიკური მედიცინის ამერიკული აკადემიის პროფესორს, თმის აღდგენითი ქირურგიის საერთაშორისო და აზიის ასოციაციების წევრს, მედიცინის მეცნიერებათა დოქტორ აკაკი წილოსანს მსოფლიოში კარგად კი არა, ძალიან კარგად იცნობენ: გარდა იმისა, რომ აკაკი ოპერაციებს ორივე კონტინენტზე წარმატებულად ატარებს, თმის ტრანსპლანტაციის უნიკალური მეთოდის შესასწავლად, "თალიზ~-ში აზიიდან, აფრიკიდან, ევროპასა თუ სამხრეთ ამერიკიდან ექიმებიც ხშირად ჩამოდიან. ორკვირიანი სწავლება მხოლოდ პროფესიული ცოდნის დაუფლებას კი არა, საქართველოს ისტორიის გაცნობასა და ჩვენი ღირსშესანიშნავი ადგილების დათვალიერებასაც ითვალისწინებს... ახლახანს, კლინიკაში სწავლება კიდევ ორმა უცხოელმა გაიარა: ექიმი ჰენსენი აღმოსავლური წარმოშობის ბრიტანელია, ნიკალაი ნაუმოვი კი, - სანკტპეტერბურგელი პლასტიკური ქირურგი, რომელიც 7 წელია, ყბა-სახის ქირურგიაში მოღვაწეობს... აკაკი წილოსანის უცხოელ შეგირდებთან საუბარს, ცხადია, იმის გარკვევით ვიწყებ, თუ როგორ გაიგეს და, საერთოდ, სწავლების გავლა "თალიზ~-ში რატომ გადაწყვიტეს.
ექიმი ჰენსენი: - ვეძებდი კლინიკას, სადაც განსხვავებულ და საუკეთესო სწავლებას გავივლიდი. ინტერნეტში "თალიზი~-ს ვებ-გვერდი ვნახე და მაშინვე გადავწყვიტე, რომ საქართველოში ჩამოვსულიყავი. იცით, სხვა სწავლებებს "თალიზი~ რატომ ვამჯობინე? - იმიტომ, რომ ჯერ ერთი, ეს ორკვირიანი სწავლებაა. მეორეც, საშუალება მაქვს, რომ ოპერაციებში მონაწილეობა უშუალოდ მივიღო.
ნიკალაი ნაუმოვი: - მას შემდეგ, რაც თმის გადანერგვით დავინტერესდი, ისეთი სკოლის ძებნა დავიწყე, რომელიც ამ სფეროში სათანადო გამოცდილებას მომცემდა. სამწუხაროდ, პეტერბურგში ამის საშუალება არ მომეცა. ამასობაში, ჩემმა ახლობელმა "თალიზ~-ში თმა გადაინერგა და მირჩია, რომ საქართველოში წამოვსულიყავი, რადგან "თალიზი~-ს გუნდი საუკეთესო ცოდნას მომცემდა.
- თქვენს ქვეყნებში თმის ტრანსპლანტაცია პოპულარულია?
ექიმი ჰენსენი: - დიახ, დიდ ბრიტანეთში თმის გადანერგვაზე ძალიან დიდი მოთხოვნაა, მათ შორის, მხოლოდ ე.წ. სელებრითებში კი არა, რიგით ადამიანებშიც.
ნიკალაი ნაუმოვი: - სანკტპეტერბურგში თმის გადანერგვით სულ სამი-ოთხი ექიმია დაკავებული. აქედან ორთან შეხვედრა ვერ მოვახერხე. მესამეს კი, შევხვდი და შევთავაზე, რომ სწავლაში ფულს გადავუხდიდი, მაგრამ უარი მითხრა, არ მინდა, კონკურენცია გამიწიოო. სხვათა შორის, "თალიზ~-ში სწორედ იმ კლინიკის ხელმძღვანელობამ გამომაგზავნა, სადაც ეს ქალბატონი მუშაობს. ასე რომ, როცა ჩემს ქვეყანაში დავბრუნდები, კონკურენტი აუცილებლად იქნება!
ექიმი ჰენსენი: - ვერ ვიტყვი, რომ ბრიტანეთში თმის ტრანსპლანტაციით ბევრი ექიმია დაკავებული, თუმცა ბევრია ფირმა, რომელსაც პაციენტები, ე.წ. სამედიცინო ტურიზმის სახით, სხვა ქვეყნებში გაჰყავს.
- ბატონებო, როცა თმის ტრანსპლანტაციაში წარმატებას მიაღწევთ, ხომ არ დაივიწყებთ, რომ თქვენი პედაგოგი აკაკი წილოსანი და, საერთოდ, "თალიზი~-ს გუნდია?
ექიმი ჰენსენი: - ბატონი აკაკი ყოველთვის ჩემი მენტორი იქნება. ესაა ადამიანი, რომელსაც მოსწონს, რომ თავის ცოდნას გასცემს. სამწუხაროდ, ბევრი ექიმი ასე არ იქცევა. ისე, ვიდრე აქ ჩამოვიდოდი, საქართველოზე მხოლოდ ის ვიცოდი, რომ რუსეთთან ტერიტორიული პრობლემები აქვს... აქაურობა ძალიან მომეწონა. განსაკუთრებით დიდ მადლობას "თალიზი~-ს გუნდს ვუხდი - "თალიზ~-ში თავს ნებისმიერი ეროვნების ადამიანი კარგად გრძნობს!
ჯერ მხოლოდ ოთხი დღეა, რაც სწავლებას გავდივარ, მაგრამ 75 პროცენტით უკვე დარწმუნებული ვარ, რომ ოპერაციის ჩატარება დამოუკიდებლად შემიძლია. წინ კიდევ ათი დღე მაქვს და, სწავლება რომ მორჩება, ჩემს შესაძლებლობებში 100 პროცენტით ვიქნები დარწმუნებული, რაც, რა თქმა უნდა, აკაკი წილოსანისა და "თალიზი~-ს გუნდის დამსხურებაა! ამიტომ, უკვე მარკეტინგზე ვფიქრობ - ბრიტანეთში რომ დავბრუნდები, პაციენტები როგორ შევკრიბო.
ნიკალაი ნაუმოვი: - სანკტპეტერბურგში კლინიკა უკვე მელოდება. ამიტომ, როგორც კი სწავლება დამთავრდება და სამშობლოში დავბრუნდები, მაშინვე საქმეს შევუდგები.
ექიმმა ჰენსენმა და ნიკალაი ნაუმოვმა საქართველო უკვე დატოვეს - ორკვირიანი სწავლების დასრულების შემდეგ, თმის გადანერგვის კლინიკა "თალიზი~-ს ხელმძღვანელმა, აკაკი წილოსანმა, რომელიც, რა დაგიმალოთ და, ნამდვილი ჯადოქარია, უცხოელებს სპეციალური სერთიფიკატები გადასცა, რაც იმას ნიშნავს, რომ ჰენსენი და ნაუმოვი თავიანთ ქვეყნებში წარმატებას ქართული ცოდნით მიაღწევენ.
ისე, ისიც მნიშვნელოვანია, რომ "თალიზ~-ს ფილიალები რამდენიმე ქვეყანაში აქვს, რაც თავისთავად იმას ნიშნავს, რომ თმის გადანერგვის ქართული კლინიკა ჭეშმარიტად მსოფლიო ბრენდია. ჰოდა, აკი, ადრეც გითხარით: თუკი კეპი, ანუ სიმელოტე ნერვებს გიშლით, ბევრი აღარ იფიქროთ - კლინიკა "თალიზ"-ს ესტუმრეთ და აკაკი წილოსანი, თავის გუნდთან ერთად, ცხოვრების ხალისს დაგიბრუნებთ!
ვანო პავლიაშვილი