დედაქალაქის მერიის გადაწყვეტილებით, თბილისის ერთ-ერთ ქუჩას ეთერ კაკულიას სახელი მიენიჭება. ამის შესახებ „ეკა ხოფერიას თოქ-შოუში“ გახდა ცნობილი.
კონკრეტულად რომელ ქუჩაზეა საუბარი, ჯერჯერობით, უცნობია.
ეთერ კაკულია ხანგრძლივი ავადმყოფობის შედეგად 26 ივნისს გარდაიცვალა.
მომღერალი დროებით, ვაკის სასაფლაოზე, მშობლების გვერდით დაკრძალეს. ხოლო შემდეგ ქალაქ თბილისის მერიის, საპატრიარქოსა და მთავრობის გადაწყვეტილებით, მას მახათას მთაზე, ახალ საზოგადო მოღვაწეთა პანთეონში დაკრძალავენ.