ხარაგაულის რაიონში გარდაცვლილი ახალგაზრდის ოჯახმა ბრალდებული მამაკაცის სახლი დაწვა. სოფლის მცხოვრებლებმა სახლს ჯერ ქვები დაუშინეს, შემდეგ კი ცეცხლი წაუკიდეს. ადგილობრივების ინფორმაციით, ბრალდებულმა 11 წლის მოზარდი ჯერ გააუპატიურა, სამი დღის შემდეგ კი გაგუდა და ხეზე ჩამოკიდა. ოფიციალური ვერსიით, ბრალდებულმა თანასოფლელი არასრულწლოვანი ბიჭი გააუპატიურა, შემდეგ კი მოზარდმა თვითმკვლელობა სცადა. უგონო მდგომარეობაში მყოფი ქუთაისის კლინიკურ საავადმყოფოში გადაიყვანეს, სადაც მეორე დღეს გონზე მოუსვლელად გარდაიცვალა. გამოძიება 14 წლამდე პირის მიმართ სექსუალური ხასიათის ძალადობისა და თვითმკვლელობამდე მიყვანის ფაქტებზე მიმდინარეობს, რაც 15-დან 20 წლამდე პატიმრობას ითვალისწინებს. სოფელი ბრალდებულის ლინჩის წესით გასამართლებას ან უვადო პატიმრობას ითხოვს.
