საბერძნეთი დეფოლტის პირასაა. ათენმა საერთაშორისო სავალუტო ფონდისთვის მილიარდნახევარი ევროს გადახდა ვერ შეძლო, რის გამოც ევროპისგან ფინანსური დახმარების მიღების შესაძლებლობა დაკარგა. ახალი საკრედიტო ხაზის გახსნა მხოლოდ იმ შემთხვევაში იქნება შესაძლებელი, თუ საბერძნეთის ხელისუფლება საერთაშორისო კრედიტორთა მოთხოვნებს დააკმაყოფილებს და ხისტ ეკონომიკურ რეფორმებს გაატარებს. საბერძნეთის პრემიერ-მინისტმა საყოველთაო რეფერენდუმის ჩატარების გადაწყვეტილება გასულ კვირას მიიღო. უნდა შეასრულოს თუ არა ათენმა დონორთა მოთხოვნები, ამას 5 ივლისს საბერძნეთის მოსახლეობა გადაწყვეტს.
