მსოფლიოს ერთ-ერთმა უმსხვილესმა თვითმფრინავთმშენებელმა კომპანია ”Airbus S.A.S”-მა საზოგადოებას საკუთარი გეგმები გააცნო ახალი ტიპის ილუმინატორის შექმნასთან დაკავშირებით. როგორც კომპანიაში განმარტავენ, თვითმფრინავის ფანჯარასთან მჯდომ მგზავრებს საშუალება ექნებათ ფრენისა და ფრენის ადგილმდებარეობის შესახებ ნებისმიერი აქტუალური ინფორმაცია მიიღონ.
კომპანია უახლოეს ხანებში საკუთარი გამოგონების ”სმარტ-ფანჯრის” დაპატენტებასაც აპირებს. ”სმარტ-ფანჯარა” ეს არის ფანჯარა სენსორებით. რეალურად კი მგზავრს შესაძლებლობა აქვს ილუმინატორი პლანშეტური კომპიუტერის მსგავსად გამოიყენოს. თუმცა როდის დაასრულებს Airbus-ი პროექტზე მუშაობას, კომპანიაში არ აკონკრეტებენ.
