ლიტვის სეიმის საგარეო საქმეთა კომიტეტმა რუსეთის მიერ საქართველოს რეგიონებში ,,მცოცავი" ანექსიის განხორციელების შესახებ რეზოლუცია მიიღო. განცხადებაში აღნიშნულია, რომ 2014 წლის 24 ნოემბრის და 2015 წლის 18 მარტის შეთანხმებები მოკავშირეობასა და ინტეგრაციის თაობაზე უხეშად არღვევს საქართველოს ტერიტორიულ მთლიანობას, საერთაშორისო სამართლის პრინციპებსა და რუსეთის მიერ ნაკისრ საერთაშორისო ვალდებულებებს. დოკუმენტში ასევე ხაზგასმულია, რომ საქართველოს ოკუპირებული რეგიონები აფხაზეთი და ცხინვალი საქართველოს ტერიტორიის განუყოფელი ნაწილია.
